Ангилал: нийтлэл
Байцааны котлет [ 2012.03.16 ] Орц: 1кг байцаа, хагас аяга сүү, нэг ширхэг сонгино, хоолны гурван халбага гурил, маргарин 140гр давс хоёр ширхэг өндөг. Хийх арга: Байцааг жижиглэн хэрчиж саванд хийгээд сүү нэмж 30 минут орчим жигнээд шүүсийг нь юүлж авна. Сонгиныг жижиг хэрчиж шаргал өнгөтэй болтол нь тосонд хуурна. Үүн дээрээ гурил цацаж шаравтар өнгөтэй болмогц байцаатай нийлүүлж чанаж хэрчсэн өндөг, түүхий өндөг хольж давсаар амт оруулаад сайтар хутгана. Ингэж бэлтгэсэн зуурмагаас таслан авч зууван хэлбэр оруулж котлет хэвлээд гурилд хөрвүүлж тосонд шарж болгоно. Котлетыг зөөхийтэй хольж хэрэглэх нь тохиромжтой.