Ангилал: нийтлэл

Чинжүүтэй салат [ 2012.02.20 ] Нийслэл салат ажиллагаа ихтэй. Тэгвэл үүнийг хялбаршуулж болно. Орц: - Чинжүү 1 кг (улаан, ногоон, шар) гэх мэтийн олон өнгө - Тахианы мах (цээж, өвчүүний хэсэг) - Ногоон вандуй - Сонгино, сармис, давс - Өргөст хэмх (давсалсан) - Майонез Бэлтгэх: Чинжүүгээ цэвэрлээд сайтар угаасны дараа буцлам халуун ус хийнэ. 5 минут дэвтээсний дараа чинжүүгээ уртавтар нарийн хэрчинэ. Хэмжээ ижил байвал зүгээр. Тахианы махаа чанана. Хөргөсний дараа гараараа цуулна. Заавал хутга хэрэглэх шаардлагагүй. Чинжүү тахианы мах, вандуй, өргөст хэмх зэргээ хийгээд амталж майонезоор найруулна. Сармисыг зөвхөн амт нэмэх зорилгоор багахан хийнэ. Бүгдийг майонезоор хутгаад бэлэн болгоно. Энэ салат хийхэд хялбар, амт чанарын хувьд нийслэл салаттай ойролцоо.